Direktiva di Swim Club Orca Curaçao (Orca)

Tin lugá ainda pa e proyekto pa mucha di 3 i 4 aña familiarisá ku awa.

Direktiva di Swim Club Orca Curaçao (Orca) ta partisipá ku tin lugá ainda pa muchanan di 3 i 4 aña ku e mayor ta deseá pa e yu partisipá na e kurso pa familiarisa/kustumá ku awa. E kurso lo kuminsá djasabra dia 01 di febrüari 2020 i tin un durashon di tres (3) luna. Dos (2) biaha pa siman tin treinen, kual ta riba djasabra di 16:00 or pa 17:00 or i djadumingu di 10:00 or pa 11:00 or na Pisina Bennie Leito.

Meta di e kurso aki ta pa e muchanan di 3 i 4 aña familiarisá/kustumá ku awa, di moda ku nan por manehá fásil den awa. Ora nan tin 5 aña nan por partisipá na e kurso pa diploma “A” sin problema. Na final di e kurso lo tin un tèst i e muchanan ku partisipá na e tèst lo risibí un sertifikado.

Kabando e kurso aki no ta nifiká ku e mucha sa landa, sino ku e por defendé su mes. Semper e mester tin “gordel”/vèst bistí i e mester ta huntu ku su mayor ora e ta kantu di un pisina òf laman. E kurso ta kosta

fl. 50,00 pa luna.

Pa inskripshon por pasa na pisina Bennie Leito djasabra dia 01 febrüari 2020 entre 3’or i 4’or atardi.

Pa mas informashon tokante e kurso aki por yama sr. Vernon Toré na telefòn 529-6586

Atentamente,

Vernon Toré

Presidente di Swim Club Orca Curaçao